XUSAINOV ISMOIL XAYDAROVICH

2017 yil 14 martdan buyon Samarqand viloyati madaniyat boshqarmasi tasarrufidagi 3-son Bolalar musiqa va sanʼat maktabi direktori  lavozimida ishlab kelmoqda. Umumiy pedagogik malakasi 22 yilni tashkil etadi. U maktab direktori lavozimida ishlash jarayonida o‘z sohasining bilimdoni va yaxshi tashkilotchi rahbar sifatida o‘zini namoyon etib kelmoqda. O‘zining intizomi, qatiyatliligi va talabchanligi bilan maktab o‘qituvchilari va o‘quvchilari orasida obro‘ qozonib, jamoada maʼnaviy – ruhiy va sog‘lom muhitni yaxshilashga erishdi.

O‘quvchi yoshlarning ijodiy salohiyatini ro‘yobga chiqarish uchun zarur shart-sharoitlarni yaratish madaniy-maʼrifiy, musiqiy hamda estetik tarbiyalash jarayonida musiqa maktabida qator tadbirlar o‘tkazib kelmoqda. Qabul jarayonini tashkil etishda shahar hududida joylashgan maktablar bilan hamkorlik shartnomalari tuzilib, yil davomida  umumiy o‘rta taʼlim maktab o‘quvchilari musiqa maktabiga taklif etilib, musiqaga yo‘naltirish ishlarini muntazam olib bormoqda. Maktab  o‘quvchilari yakka va guruh tartibda o‘tkazilayotgan darslarda faol qatnashib kelishmoqda. Musiqa maktabidagi maʼnaviyat va maʼrifat xonasi, va boshqa yakka va guruh mashg‘ulotlari olib borilayotgan xonalar kerakli o‘quv jihozlari bilan to‘liq taʼminlangan. O‘quvchilarni iqtidori va qobiliyatini oshirishda yil davomida qator davra suhbatlari, baxs munozaralar, Xalq artistlari va xizmat ko‘rsatgan artistlar ishtirokida mahorat darslari, maʼnaviy maʼrifiy tabdirlar o‘tkazilib kelinmoqda. Xalq ijodiyoti va badiiy havaskorlik sanʼatini saqlab qolish va rivojlantirish, badiiy va amaliy ijodiy jamoalar, havaskorlik guruhlarini tashkil etish maqsadida maktabda folklor ansambli, maqom ansambli tashkil etildi. Maktabda damli va zarbli cholg‘ulari yo‘nalishi, teatr akterlik yo‘nalishi, xoreografiya yo‘nalishi hamda halq cholg‘ulari yo‘nalishlari faoliyati yana-da kengaytirildi va natijada teatr akterlik, chang, g‘ijjak, klarnet, fleyta, truba, goboy sinflari faoliyati yangitdan yo‘lga qo‘yildi hamda xalq cholg‘ulari, estrada cholg‘ulari, damli cholg‘ular, torli va kamonli cholg‘ular ansambllari, maqom ansambli,  faoliyati yo‘lga qo‘yildi.  2017-2024 o‘quv yillari davrida o‘tkazilgan shahar, viloyat hamda Respublika darajasidagi ko‘rik-tanlovlarda maktabning iqtidorli o‘quvchilari faol ishtirok etib qator g‘olibliklarni qo‘lga kiritdi. Xususan, uning rahbarligi ostida maktab o‘quvchilari “Musiqa maktablari ansambllari Respublika ko‘rik tanlovi”ning shahar va viloyat bosqichida beshta yo‘nalishda ishtirok etib birinchilikni qo‘lga kiritishdi, Respublika bosqichda uchinchi o‘rinni qo‘lga kiritishdi. Qolaversa, “Sanʼat yo‘nalishlari Respublika tanlovining” shahar viloyat bosqichida to‘rtta yo‘nalish bo‘yicha fahrli birinchi o‘rinni qo‘lga kiritib, ushbu tanlovning Respublika bosqichida fahrli birinchi va ikkinchi o‘rinlarni qo‘lga kiritib qaytishdi.  Maktabning “Sadozarb” doyrachilar ansambli 2018 yilda Toshkentda o‘tkazilgan Respublika doyrachilari festivalida ishtirok etib laureat bo‘lishdi va Ispaniya davlatida bo‘lib o‘tgan Xalqaro tanlovda ham fahrli birinchi o‘rinni egallab qaytishdi. 2020-2024 yillar davomida Madaniyat va sanʼat sohasida o‘tkazib kelinayotgan “Sanʼat g‘unchalari” Respublika ko‘rik-tanlovida damli cholg‘ular yo‘nalishi fleyta, klarnet, saksofon sinfi o‘quvchilari muntazam ishtirok etishib fahrli I-II-III o‘rinlarni egallab kelishmoqda. Toshkent shahri o‘tkazilgan I-Xalqaro festival tanlovida ham o‘ndan ortiq o‘quvchilar ishtirok etishib 2ta Oliy o‘rin Gran pri va I-II-III o‘rinlarni egallashdi.

2020-2024 o‘quv yillari davomida maktabning fortepiano, torli cholg‘ular, damli cholg‘ular yo‘nalishi o‘quvchi va o‘qituvchilari Rossiya, Qozog‘iston, Yevropa va Osiyo davlatlarida bo‘lib o‘tgan onlayn ko‘rik-tanlovlarda ham faol ishtirok etishib fahrli I-II-III va Oliy (Gran pri) o‘rinlarni qo‘lga kiritishdi. Ijtimoiy himoyaga muxtoj kam taʼminlangan oila farzandalari, yetim va shunga tenglashtirilgan o‘quvchilarni doimiy nazoratga olib moddiy va maʼnaviy qo‘llab  kelmokda.

2021 yil 1-oktyabr “O‘qituvchi va murabbiylar kuni”da Xusainov Ismoil Xaydarovich Madaniyat vazirligi tomonidan “Madaniyat va sanʼat fidokori” ko‘krak nishoni bilan taqdirlangan.